AL
EN
COBIT 4.1 Objektivat e Kontrollit të Teknologjisë së Informacionit.
Libri “Objektivat e Kontrollit për teknologjinë e Informacionit”
(COBIT), që po ju sillet në dispozicion në gjuhën shqipe, së bashku me Manualin
e Auditimit IT janë dy botime të rëndësishme të KLSH-së në fushën e
Teknologjisë së Informacionit. Ky botim vjen i 42-ti në kolanën e botimeve të
KLSH-së (2012-2015).
COBIT 4.11, botim i
Organizatës ndërkombëtare të Auditimit dhe Kontrollit të Sistemeve të
Informacionit, ISACA (Information Systems Audit and Control Association), është
një strukturë e përdorur gjerësisht, e cila përmbledh rekomandimet, praktikat
dhe metodat më të mira të vlerësimit për kontrollet e përgjithshme IT, si dhe
për programet që zhvillohen në këto ambjente.
COBIT ka fituar
statusin e “Biblës” në qarqet dhe organizatat e auditimit dhe të menaxhimit të
Teknologjisë së Informacionit të mbarë botës. Aktualisht, ISACA, u shërben më
tepër se 110,000 anëtarëve dhe profesionistëve, të cilët mbajnë certifikatat e
saj.
Audituesit IT,
menaxherët e biznesit dhe profesionistët në fushën e sigurimit të IT, me këtë
botim, kanë në dorë një set të plotë të proceseve për menaxhimin e IT,
objektivat përkatëse, masat e performancës dhe një model fillestar maturimi për
përdorim të vazhdueshëm, të ndarë në katër fusha:
- Planifikim -
organizimi;
- disponimi - implementimi;
- ofrimi – mbështetja
- monitorimi - vlerësimi;
Auditimi i IT, si
një ndër fushat më të reja dhe më komplekse të auditimit, paraqitet me një
numër të kufizuar standardesh e udhëzimesh, që përcaktojnë rregullat e
Auditimit të Teknologjisë së Informacionit. Botimi i këtij libri plotëson këtë
boshllëk dhe është vazhdim i përpjekjeve për zbatimin e Auditimit IT në KLSH,
duke e pajisur me dijet më të mira të praktikës botërore.
Ky botim dhe të
tjera në vazhdim do të shërbejnë si mjete të fuqishme për shtimin e njohurive
mbi menaxhimin dhe Auditimin e Teknologjive të Informacionit jo vetëm në KLSH,
por kudo ku ato zbatohen.
Bujar Leskaj